tamam umr ho na pai wo nazar apni

Saba Naqvi

tamam umr ho na pai wo nazar apni

Saba Naqvi

MORE BYSaba Naqvi

    tamām umr ho na paa.ī vo nazar apnī

    rah-e-hayāt meñ bantī jo ham-safar apnī

    hazār sañg-e-garāñ zindagī raah meñ the

    na jaane kaise jahāñ meñ huī basar apnī

    zamīñ pe zabt-e-fuġhāñ sa.ī-e-rā.egāñ Thahrā

    falak pe ke huī aah be-asar apnī

    kisī risāle meñ shaa.e ho jaise koī ġhazal

    kuchh is tarah se huī baat mushtahar apnī

    mujhe shikāyat-e-aġhyār se ġharaz kyoñ ho

    hañsī uḌaa.ī hai yāroñ ne ḳhaas kar apnī

    vo kyā kisī ko mulāqāt sharaf degā

    jo ḳhairiyat bhī na likh paa.e do satar apnī

    milā na chain tirī justujū meñ saarā din

    lagī na aañkh tire ġham meñ raat bhar apnī

    surāġh-e-manzil-e-irfāñ na mil sakegā kabhī

    ġhalat-ravī se hazīmat hai sar-basar apnī

    guloñ ḳhuun thā rañg-e-bahār ke pīchhe

    fareb khā na sakī chashm-e-mo'atabar apnī

    havā-e-shauq ke pīchhe ġhubār ban ke uḌī

    bisāt bhuul ga.ī hastī-e-bashar apnī

    maiñ inkishāf karūñ bhī to kis tarah se 'sabā'

    tavīl raaz hai aur umr muḳhtasar apnī

    tamam umr ho na pai wo nazar apni

    rah-e-hayat mein banti jo ham-safar apni

    hazar sang-e-garan zindagi ki rah mein the

    na jaane kaise jahan mein hui basar apni

    zamin pe zabt-e-fughan sai-e-raegan Thahra

    falak pe ja ke hui aah be-asar apni

    kisi risale mein shae ho jaise koi ghazal

    kuchh is tarah se hui baat mushtahar apni

    mujhe shikayat-e-aghyar se gharaz kyon ho

    hansi uDai hai yaron ne KHas kar apni

    wo kya kisi ko mulaqat ka sharaf dega

    jo KHairiyat bhi na likh pae do satar apni

    mila na chain teri justuju mein sara din

    lagi na aankh tere gham mein raat bhar apni

    suragh-e-manzil-e-irfan na mil sakega kabhi

    ghalat-rawi se hazimat hai sar-basar apni

    gulon ka KHun tha rang-e-bahaar ke pichhe

    fareb kha na saki chashm-e-mo'atabar apni

    hawa-e-shauq ke pichhe ghubar ban ke uDi

    bisat bhul gai hasti-e-bashar apni

    main inkishaf karun bhi to kis tarah se 'saba'

    tawil raaz hai aur umr muKHtasar apni

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY