tamam umr mere dil ko ye ghurur raha

tamām 'umr mire dil ko ye ġhurūr rahā

ki ek lamhe ko ye bhī tire huzūr rahā

junūn-e-dil ki hamesha ḳhirad se duur rahā

tire huzūr rahā jab to bā-shu'ūr rahā

ye tujh se duur rahā yā tire huzūr rahā

'ajab mizāj hai dil kā ki nā-subūr rahā

kab itnā hosh mujhe thā ki ab batā bhī sakūñ

tire qarīb rahā maiñ ki tujh se duur rahā

bas itnī yaad hai ab kaifiyat huzūrī kī

dil-o-nigāh meñ ik 'ālam-e-surūr rahā

kisī tarah bhī kahīñ aur ye rahā ho magar

junūñ mirā tirī mahfil meñ bā-shu'ūr rahā

tamam 'umr mere dil ko ye ghurur raha

ki ek lamhe ko ye bhi tere huzur raha

junun-e-dil ki hamesha KHirad se dur raha

tere huzur raha jab to ba-shu'ur raha

ye tujh se dur raha ya tere huzur raha

'ajab mizaj hai dil ka ki na-subur raha

kab itna hosh mujhe tha ki ab bata bhi sakun

tere qarib raha main ki tujh se dur raha

bas itni yaad hai ab kaifiyat huzuri ki

dil-o-nigah mein ek 'alam-e-surur raha

kisi tarah bhi kahin aur ye raha ho magar

junun mera teri mahfil mein ba-shu'ur raha