tang-dastī meñ karo logo guzārā dekh kar
apnī nīñdeñ mat uḌaao ḳhvāb mahñgā dekh kar
naam se mere nagar meñ ik mohalla dekh kar
merā dushman mar na jaa.e mujh ko zinda dekh kar
yaad aa.e us ghaḌī apne gharoñ ke rāste
be-tahāsha thak ga.e jab log mela dekh kar
kyā ḳhabar thī apne hī hāthoñ se maarā jā.egā
kal batā detā thā jo hāthoñ kī rekhā dekh kar
rāste meñ nā-murādoñ ne añdherā kar diyā
ik badan ke saath kuchh sāyoñ ko chaltā dekh kar
yuuñ to munsif par mujhe puurā bharosā hai magar
achchhe achchhe Dagmagā jaate haiñ paisa dekh kar
tang-dasti mein karo logo guzara dekh kar
apni ninden mat uDao KHwab mahnga dekh kar
nam se mere nagar mein ek mohalla dekh kar
mera dushman mar na jae mujh ko zinda dekh kar
yaad aae us ghaDi apne gharon ke raste
be-tahasha thak gae jab log mela dekh kar
kya KHabar thi apne hi hathon se mara jaega
kal bata deta tha jo hathon ki rekha dekh kar
raste mein na-muradon ne andhera kar diya
ek badan ke sath kuchh sayon ko chalta dekh kar
yun to munsif par mujhe pura bharosa hai magar
achchhe achchhe Dagmaga jate hain paisa dekh kar
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.