tanhai ka gham Dhoen aur ro ro ji halkan karen

tanhā.ī kā ġham Dho.eñ aur ro ro jī halkān kareñ

is se behtar hogā ki vo mashq-e-tīr-e-kamān kareñ

vaqt kā ronā rone vaale vaqt ko zaa.e karte haiñ

palkoñ se lamhoñ kī kircheñ chunñe kā sāmān kareñ

saḌkoñ ke chaurāhoñ par jin ko tanhā.ī ghere ho

us sīmābī duniyā meñ kyuuñ jiine kā armān kareñ

bāhar kī duniyā meñ jin ko jins-e-vafā nāyāb lage

apne andar ke but-ḳhānoñ ko pahle vīrān kareñ

sūraj kī sat-rañgī kirneñ pyaas bujhāne aatī haiñ

sātoñ sakhiyāñ phūl-badan jab gañgā meñ ashnān kareñ

jo dhartī kī shah-rag kāTeñ shiryānoñ meñ zahr bhareñ

is mūrakh nagrī ke bāshī un hī ke gun-gān kareñ

tanhai ka gham Dhoen aur ro ro ji halkan karen

is se behtar hoga ki wo mashq-e-tir-e-kaman karen

waqt ka rona rone wale waqt ko zae karte hain

palkon se lamhon ki kirchen chunne ka saman karen

saDkon ke chaurahon par jin ko tanhai ghere ho

us simabi duniya mein kyun jine ka arman karen

bahar ki duniya mein jin ko jins-e-wafa nayab lage

apne andar ke but-KHanon ko pahle viran karen

suraj ki sat-rangi kirnen pyas bujhane aati hain

saton sakhiyan phul-badan jab ganga mein ashnan karen

jo dharti ki shah-rag kaTen shiryanon mein zahr bharen

is murakh nagri ke bashi un hi ke gun-gan karen