tanhai mein dikhte lamhe jab kuchh yaad dilate hain
tanhā.ī meñ dikhte lamhe jab kuchh yaad dilāte haiñ
saa.e saa.e kitne chehre āñkhoñ meñ phir jaate haiñ
ab to achchhe dil vāloñ kā qaht sā paḌtā jaatā hai
lekin naqlī chehre vaale dil apnā bharmāte haiñ
chhū jaatī hai jab bhī aa kar yādoñ kī purvā.ī sī
nanhe nanhe kitne dīpak palkoñ meñ jal jaate haiñ
apnoñ meñ begāna ban kar zinda rahnā mushkil hai
lekin dekh zamāne ham ko ham jī kar dikhlāte haiñ
jaane kab se ham baiThe haiñ sochoñ ke chaurāhe par
chaurangī kā mela hai jag ham bhī dekhe jaate haiñ
tanhai mein dikhte lamhe jab kuchh yaad dilate hain
sae sae kitne chehre aankhon mein phir jate hain
ab to achchhe dil walon ka qaht sa paDta jata hai
lekin naqli chehre wale dil apna bharmate hain
chhu jati hai jab bhi aa kar yaadon ki purwai si
nanhe nanhe kitne dipak palkon mein jal jate hain
apnon mein begana ban kar zinda rahna mushkil hai
lekin dekh zamane hum ko hum ji kar dikhlate hain
jaane kab se hum baiThe hain sochon ke chaurahe par
chaurangi ka mela hai jag hum bhi dekhe jate hain
Source:
Intikhab Apna Apna (Pg. 158)
-
- Edition: 1987
- Publisher: Seemant Parkashan, New Delhi
- Year of Publication: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
