udhar tum par jo aaya meri jaan-e-jaan shabab aadha

udhar tum par jo aaya merī jān-e-jāñ shabāb aadhā

taḌap uTThā idhar merā dil-e-ḳhāna-ḳharāb aadhā

abhī maiñ us ke jalvoñ se huā thā faizyāb aadhā

ki zālim ne uThā kar phir girāyā hai naqāb aadhā

dil-e-vahshī mirā do husn ke paikar meñ uljhā hai

mukammal ik javāñ hai dūsrī par hai shabāb aadhā

har ik nangā nazar aa.egā ik din dekhnā tum bhī

abhī duniyā-e-fashion meñ hai aaya inqalāb aadhā

navāzish us ne mujh ko ghar bulā kar is tarah se kī

kabhī roTī milī aadhī kabhī khāyā kabāb aadhā

visāl-e-hijr meñ us ke ye lazzat maiñ ne paa.ī hai

ki jaise koī phal ho aadhā achchhā aur ḳharāb aadhā

huā āḳhir jahāñ se gol aaj ustād-e-'vāhid' bhī

chalo achchhā huā sar se Talā yaaro azaab aadhā

udhar tum par jo aaya meri jaan-e-jaan shabab aadha

taDap uTTha idhar mera dil-e-KHana-KHarab aadha

abhi main us ke jalwon se hua tha faizyab aadha

ki zalim ne uTha kar phir giraya hai naqab aadha

dil-e-wahshi mera do husn ke paikar mein uljha hai

mukammal ek jawan hai dusri par hai shabab aadha

har ek nanga nazar aaega ek din dekhna tum bhi

abhi duniya-e-fashion mein hai aaya inqalab aadha

nawazish us ne mujh ko ghar bula kar is tarah se ki

kabhi roTi mili aadhi kabhi khaya kabab aadha

visal-e-hijr mein us ke ye lazzat main ne pai hai

ki jaise koi phal ho aadha achchha aur KHarab aadha

hua aaKHir jahan se gol aaj ustad-e-'wahid' bhi

chalo achchha hua sar se Tala yaro azab aadha