tapti hui rahon pe phiraya mujhe din-bhar

taptī huī rāhoñ pe phirāyā mujhe din-bhar

yuuñ tere tasavvur ne satāyā mujhe din-bhar

dil meñ vo kasak chhoḌ gayā sub.h kā taarā

ik lamha bhī ārām na aayā mujhe din-bhar

vīrān bayābāñ meñ kabhī ujḌe gharoñ meñ

phirtā rahā le kar tirā saayā mujhe din-bhar

detī rahī ye chāñdnī shab-bhar mujhe āvāz

sūraj ne bhī rah rah ke bulāyā mujhe din-bhar

har samt bhare shahr the kyā jāniye phir bhī

tanhā.ī ke ehsās ne khāyā mujhe din-bhar

lahje meñ ghanī chhāñv ke pattoñ kī zabāñ meñ

peḌoñ ne tirā haal sunāyā mujhe din-bhar

ik pal meñ hī batlā ga.iiñ dam toḌtī kirneñ

vo raaz jo ai 'shām' na paayā mujhe din-bhar

tapti hui rahon pe phiraya mujhe din-bhar

yun tere tasawwur ne sataya mujhe din-bhar

dil mein wo kasak chhoD gaya subh ka tara

ek lamha bhi aaram na aaya mujhe din-bhar

viran bayaban mein kabhi ujDe gharon mein

phirta raha le kar tera saya mujhe din-bhar

deti rahi ye chandni shab-bhar mujhe aawaz

suraj ne bhi rah rah ke bulaya mujhe din-bhar

har samt bhare shahr the kya jaaniye phir bhi

tanhai ke ehsas ne khaya mujhe din-bhar

lahje mein ghani chhanw ke patton ki zaban mein

peDon ne tera haal sunaya mujhe din-bhar

ek pal mein hi batla gain dam toDti kirnen

wo raaz jo ai 'sham' na paya mujhe din-bhar