taqsim tum mutabiq-e-mehnat na kar sake

taqsīm tum mutābiq-e-mehnat na kar sake

taslīm ham mutābiq-e-qismat na kar sake

jin ko talāsh manzil-e-isnāniyat kī thī

gumrāh un ko ahl-e-siyāsat na kar sake

tujh pe ki jūThe haiñ ye sabhī lafz ḳhalq ke

ham faash apnī paak mohabbat na kar sake

ham āri.iyoñ se unko bachāte rahe magar

vo āñdhiyoñ se apnī hifāzat na kar sake

ik lau hue ḳhayāl to kuchh raushnī huī

jab tak sharar the chāra-e-zulmat na kar sake

tūfān zalzala kabhī sailāb aa gayā

pur-amn to ḳhudā bhī hukūmat na kar sake

samjhā ki tum bhī dekh lo 'jānib' jahān ko

vaise ye kaam iisā se hazrat na kar sake

taqsim tum mutabiq-e-mehnat na kar sake

taslim hum mutabiq-e-qismat na kar sake

jin ko talash manzil-e-isnaniyat ki thi

gumrah un ko ahl-e-siyasat na kar sake

tujh pe ki juThe hain ye sabhi lafz KHalq ke

hum fash apni pak mohabbat na kar sake

hum aariyon se unko bachate rahe magar

wo aandhiyon se apni hifazat na kar sake

ek lau hue KHayal to kuchh raushni hui

jab tak sharar the chaara-e-zulmat na kar sake

tufan zalzala kabhi sailab aa gaya

pur-amn to KHuda bhi hukumat na kar sake

samjha ki tum bhi dekh lo 'jaanib' jahan ko

waise ye kaam isa se hazrat na kar sake