taqwe ke liye jannat-o-kausar hue maKHsus

taqve ke liye jannat-o-kausar hue maḳhsūs

rindī ke liye shīsha-o-sāġhar hue maḳhsūs

pābandi-e-ahkām-e-sharī.at hai vahāñ farz

rindoñ ko ruḳh-e-sāqī-o-sāġhar hue maḳhsūs

qaa.em hai vahāñ diin bhī duniyā bhī ba-ummīd

ham ko karam-e-rahmat-e-dāvar hue maḳhsūs

sheḳhī hai vahāñ jubba-o-dastār pe mauqūf

rindī ko yahāñ tark-e-tan-o-sar hue maḳhsūs

hai kashf-o-karāmāt vahāñ māya-e-pindār

saudā aur ziyāñ ham ko barābar hue maḳhsūs

haiñ ḳhirqa-o-ammāma vahāñ pīr-e-tarīqat

yaañ kufr-o-sanam hādī-o-rahbar hue maḳhsūs

mauqūf jo īmāñ pe rahe masjid-o-mimbar

'sāhir' ko sanam-ḳhāna-o-sāġhar hue maḳhsūs

taqwe ke liye jannat-o-kausar hue maKHsus

rindi ke liye shisha-o-saghar hue maKHsus

pabandi-e-ahkaam-e-shariat hai wahan farz

rindon ko ruKH-e-saqi-o-saghar hue maKHsus

qaem hai wahan din bhi duniya bhi ba-ummid

hum ko karam-e-rahmat-e-dawar hue maKHsus

sheKHi hai wahan jubba-o-dastar pe mauquf

rindi ko yahan tark-e-tan-o-sar hue maKHsus

hai kashf-o-karamat wahan maya-e-pindar

sauda aur ziyan hum ko barabar hue maKHsus

hain KHirqa-o-ammama wahan pir-e-tariqat

yan kufr-o-sanam hadi-o-rahbar hue maKHsus

mauquf jo iman pe rahe masjid-o-mimbar

'sahir' ko sanam-KHana-o-saghar hue maKHsus