tark-e-ulfat ka irada bhi nahin
tark-e-ulfat kā irāda bhī nahīñ
un se iz.hār tamannā bhī nahīñ
vaqt kaTtā hī na thā jis ke baġhair
us ko muddat huī dekhā bhī nahīñ
jaisī guzrī hai ġhanīmat hai magar
zindagī terā bharosa bhī nahīñ
dil meñ rakhtā hai bahut kuchh lekin
baat kahne kī vo kahtā bhī nahīñ
ḳhuub saj-dhaj hai tumhārī phir bhī
dekhnā kaisā vo taktā bhī nahīñ
ghuur kar dekhtā rahtā hai mujhe
maiñ ne us ko kabhī dekhā bhī nahīñ
bāteñ kartā hai musalsal 'kausar'
roz miltā hai shanāsā bhī nahīñ
tark-e-ulfat ka irada bhi nahin
un se izhaar tamanna bhi nahin
waqt kaTta hi na tha jis ke baghair
us ko muddat hui dekha bhi nahin
jaisi guzri hai ghanimat hai magar
zindagi tera bharosa bhi nahin
dil mein rakhta hai bahut kuchh lekin
baat kahne ki wo kahta bhi nahin
KHub saj-dhaj hai tumhaari phir bhi
dekhna kaisa wo takta bhi nahin
ghur kar dekhta rahta hai mujhe
main ne us ko kabhi dekha bhi nahin
baaten karta hai musalsal 'kausar'
roz milta hai shanasa bhi nahin
Source:
Qindeel (Pg. 29)
- Author: Maher Chand Kausar
-
- Edition: 1992
- Publisher: Anjuman Taraqqi Urdu (Hind), Barnala
- Year of Publication: 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
