tark-e-ulfat ka kuchh KHayal bhi hai

tark-e-ulfat kā kuchh ḳhayāl bhī hai

yahī mumkin magar muhāl bhī hai

kyā khule uqda-e-hayāt-o-mamāt

har javāb ik nayā savāl bhī hai

varna kyā shai ye gardish-e-aflāk

is meñ shāmil kisī kī chaal bhī hai

kuchh mirā dil bhī hai junūñ-āsār

kuchh tirī aañkh kā kamāl bhī hai

is meñ jiine kā bhī hazār imkān

is meñ marne kā ehtimāl bhī hai

dil bhī hai andarūn-e-sīna azaab

sar sar-e-dosh ik vabāl bhī hai

har nazar sūratoñ kā ek tilism

har qadam ḳhvāhishoñ kā jaal bhī hai

har ḳhabar inkishāf-e-be-ḳhabarī

har nafas arsa-e-zavāl bhī hai

tujh se duurī bhī hai nashāt-afzā

terī qurbat meñ ik malāl bhī hai

sūrat-e-sabza ārzū-e-visāl

sar-kashīda bhī pā.emāl bhī hai

kin tazādāt meñ ghirā huuñ 'habīb'

zindagī hijr bhī visāl bhī hai

tark-e-ulfat ka kuchh KHayal bhi hai

yahi mumkin magar muhaal bhi hai

kya khule uqda-e-hayat-o-mamat

har jawab ek naya sawal bhi hai

warna kya shai ye gardish-e-aflak

is mein shamil kisi ki chaal bhi hai

kuchh mera dil bhi hai junun-asar

kuchh teri aankh ka kamal bhi hai

is mein jine ka bhi hazar imkan

is mein marne ka ehtimal bhi hai

dil bhi hai andarun-e-sina azab

sar sar-e-dosh ek wabaal bhi hai

har nazar suraton ka ek tilism

har qadam KHwahishon ka jal bhi hai

har KHabar inkishaf-e-be-KHabari

har nafas arsa-e-zawal bhi hai

tujh se duri bhi hai nashat-afza

teri qurbat mein ek malal bhi hai

surat-e-sabza aarzu-e-visal

sar-kashida bhi paemal bhi hai

kin tazadat mein ghira hun 'habib'

zindagi hijr bhi visal bhi hai