tark-e-wafa garche sadaqat nahin
tark-e-vafā garche sadāqat nahīñ
par ye sitam sahne kī tāqat nahīñ
tark kar apnā bhī ki is raah meñ
har koī shāyān-e-rifāqat nahīñ
koī davā mujh se kī kartā hai lek
ab ke tabīboñ meñ hazāqat nahīñ
kasb-e-hunar kar na ki is vaqt meñ
is se baḌī aur himāqat nahīñ
naam hī 'qā.em' kā gayā hai nikal
varna kuchh itnī to liyāqat nahīñ
tark-e-wafa garche sadaqat nahin
par ye sitam sahne ki taqat nahin
tark kar apna bhi ki is rah mein
har koi shayan-e-rifaqat nahin
koi dawa mujh se ki karta hai lek
ab ke tabibon mein hazaqat nahin
kasb-e-hunar kar na ki is waqt mein
is se baDi aur himaqat nahin
nam hi 'qaem' ka gaya hai nikal
warna kuchh itni to liyaqat nahin
- Publication : Jamal Printing Press, Delhi
- Edition : 1963
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
