tark in dinon jo yar se guft-o-shunid hai

Miyan dad Khan Sayyah

tark in dinon jo yar se guft-o-shunid hai

Miyan dad Khan Sayyah

MORE BYMiyan dad Khan Sayyah

    tark in dinoñ jo yaar se guft-o-shunīd hai

    ham ko moharram aur raqīboñ ko iid hai

    shāyad hamāre qaul pe hablul-varīd hai

    ham se ḳhudā qarīb hai ka.aba ba.iid hai

    guzrā mah-siyām na kyuuñ panja-e-sharāb

    ḳhālī chāñd ye nahīñ hai māh-e-īd hai

    shuġhl apnā bāda-ḳhvārī hai aur taak silsila

    pīr-e-muġhāñ bhī ek hamārā murīd hai

    dil le chuke haiñ jaan bhī ab māñgte haiñ vo

    baiThe haiñ bigḌe aur taqāzā shadīd hai

    chal khol qufl ābla-e-pā ke ai junūñ

    har ik zabān-e-ḳhār bayābāñ kalīd hai

    vahshat meñ pairahan uḌiiñ dhajjiyāñ tamām

    tan par qabā-e-dāġh hai so nau-ḳharīd hai

    suntā huuñ roz-e-hashr na hogī use najāt

    jo sayyadoñ se buġhz rakhe vo yazīd hai

    aisā mazā bharā hai tabī.at meñ faqr

    gañj-e-shakar hai siina mirā dil farīd hai

    'sayyāh'-e-be-navā huuñ jahāñ-gard hai laqab

    gardish meñ charḳh-e-pīr bhī merā murīd hai

    tark in dinon jo yar se guft-o-shunid hai

    hum ko moharram aur raqibon ko id hai

    shayad hamare qaul pe hablul-warid hai

    hum se KHuda qarib hai kaba baid hai

    guzra mah-siyam na kyun panja-e-sharab

    KHali ka chand ye nahin hai mah-e-id hai

    shughl apna baada-KHwari hai aur tak silsila

    pir-e-mughan bhi ek hamara murid hai

    dil le chuke hain jaan bhi ab mangte hain wo

    baiThe hain bigDe aur taqaza shadid hai

    chal khol qufl aabla-e-pa ke ai junun

    har ek zaban-e-KHar bayaban kalid hai

    wahshat mein pairahan ki uDin dhajjiyan tamam

    tan par qaba-e-dagh hai so nau-KHarid hai

    sunta hun roz-e-hashr na hogi use najat

    jo sayyadon se bughz rakhe wo yazid hai

    aisa maza bhara hai tabiat mein faqr ka

    ganj-e-shakar hai sina mera dil farid hai

    'sayyah'-e-be-nawa hun jahan-gard hai laqab

    gardish mein charKH-e-pir bhi mera murid hai

    Source:

    • Book : Miyadad Khan Saiyyah (Pg. 100)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY