tark shauq-e-sharab kya karte

tark shauq-e-sharāb kyā karte

zindagī ko ḳharāb kyā karte

jabr zauq-e-nazar pe karte rahe

husn ko be-hijāb kyā karte

jab thī badlī huī nazar un kī

phir savāl-o-javāb kyā karte

hai ba-har-shakl ek hī jalva

ham koī intiḳhāb kyā karte

gar basāte na jā ke vīrāna

aur ḳhāna-ḳharāb kyā karte

baat kā ruḳh badal diyā āḳhir

ham unheñ lā-javāb kyā karte

dil thā ehsās-mund pahlū meñ

husn se ijtināb kyā karte

zehniyat apnī jo badal na sakeñ

'ashk' vo inqalāb kyā karte

tark shauq-e-sharab kya karte

zindagi ko KHarab kya karte

jabr zauq-e-nazar pe karte rahe

husn ko be-hijab kya karte

jab thi badli hui nazar un ki

phir sawal-o-jawab kya karte

hai ba-har-shakl ek hi jalwa

hum koi intiKHab kya karte

gar basate na ja ke virana

aur KHana-KHarab kya karte

baat ka ruKH badal diya aaKHir

hum unhen la-jawab kya karte

dil tha ehsas-mund pahlu mein

husn se ijtinab kya karte

zehniyat apni jo badal na saken

'ashk' wo inqalab kya karte