aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhe shikwa nahin barbaad rakh barbaad rahne de

Bedam Shah Warsi

mujhe shikwa nahin barbaad rakh barbaad rahne de

Bedam Shah Warsi

MORE BYBedam Shah Warsi

    mujhe shikva nahīñ barbād rakh barbād rahne de

    magar allāh mere dil meñ apnī yaad rahne de

    qafas meñ qaid rakh qaid se āzād rahne de

    bahar-sūrat chaman meñ mujhe sayyād rahne de

    mire nāshād rahne se agar tujh ko masarrat hai

    to maiñ nāshād achchhā mujhe nāshād rahne de

    tirī shān-e-taġhāful par mirī barbādiyāñ sadqe

    jo barbād-e-tamannā ho use barbād rahne de

    tujhe jitne sitam aate haiñ mujh par ḳhatm kar denā

    na koī zulm rah jaa.e na ab be-dād rahne de

    na sahrā meñ bahaltā hai na kū-e-yār meñ Thahre

    kahīñ to chain se mujh ko dil-e-nāshād rahne de

    kuchh apnī guzrī 'bedam' bhalī ma.alūm hotī hai

    mirī biitī sunā de qissa-e-farhād rahne de

    mujhe shikwa nahin barbaad rakh barbaad rahne de

    magar allah mere dil mein apni yaad rahne de

    qafas mein qaid rakh ya qaid se aazad rahne de

    bahar-surat chaman hi mein mujhe sayyaad rahne de

    mere nashad rahne se agar tujh ko masarrat hai

    to main nashad hi achchha mujhe nashad rahne de

    teri shan-e-taghaful par meri barbaadiyan sadqe

    jo barbaad-e-tamanna ho use barbaad rahne de

    tujhe jitne sitam aate hain mujh par KHatm kar dena

    na koi zulm rah jae na ab be-dad rahne de

    na sahra mein bahalta hai na ku-e-yar mein Thahre

    kahin to chain se mujh ko dil-e-nashad rahne de

    kuchh apni guzri hi 'bedam' bhali malum hoti hai

    meri biti suna de qissa-e-farhad rahne de

    Source:

    Deewan-e-bedam (Rekhta Website) (Pg. 129)

    • Author: Bedam Shah Warsi
      • Publisher: Hindustani Book Depo, Lucknow
      • Year of Publication: 1935

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now