tashna faza-e-subh-e-chaman mein KHumar hai

'tashna' fazā-e-sub.h-e-chaman meñ ḳhumār hai

lekin jo dil kī baat karūñ be-qarār hai

phūloñ ke surḳh Dher ke pīchhe hai tez teġh

yūsuf ke bhā.iyoñ kā kahāñ e'tibār hai

gardish kā āsmān hai shorish kī ḳhaak par

aadam tirī zamīñ pe bahut sogvār hai

logoñ se rabt zabt hai duniyā se ittifāq

shāyad ye apne aap se merā farār hai

shikva kareñge ham na taġhāful-shi.ār kā

mahfil meñ kam-suḳhan kā ziyāda vaqār hai

tāroñ kī sair-gāh se us kā pukārnā

mujh ko ajiib vahm hai aur baar baar hai

'tashna' kabhī to baiTh ke un se kalām kar

kyoñ tujh ko ḳhāmushī se batā itnā pyaar hai

'tashna' faza-e-subh-e-chaman mein KHumar hai

lekin jo dil ki baat karun be-qarar hai

phulon ke surKH Dher ke pichhe hai tez tegh

yusuf ke bhaiyon ka kahan e'tibar hai

gardish ka aasman hai shorish ki KHak par

aadam teri zamin pe bahut sogwar hai

logon se rabt zabt hai duniya se ittifaq

shayad ye apne aap se mera farar hai

shikwa karenge hum na taghaful-shiar ka

mahfil mein kam-suKHan ka ziyaada waqar hai

taron ki sair-gah se us ka pukarna

mujh ko ajib wahm hai aur bar bar hai

'tashna' kabhi to baiTh ke un se kalam kar

kyon tujh ko KHamushi se bata itna pyar hai