tasKHir sab nujum-o-mah-o-kahkashan hue

Reshma Naheed Resham

tasKHir sab nujum-o-mah-o-kahkashan hue

Reshma Naheed Resham

MORE BYReshma Naheed Resham

    tasḳhīr sab nujūm-o-mah-o-kahkashāñ hue

    mujh ko thā vo junūñ ki nigūñ do-jahāñ hue

    maiñ ziist ke safar meñ akelī jo chal paḌī

    azm-o-junūñ-o-shauq mire kārvāñ hue

    dariyā to ek pal meñ samundar se milā

    aañsū ThiThak ke aañkh meñ ik dāstāñ hue

    nashshe meñ taḳht-o-tāj ke kal tak jo chuur the

    sach hai lahad meñ aaj vahī be-nishāñ hue

    jin pe ba-sad-niyāz jhukā thī ye jabīñ

    'resham' nuqūsh-e-pā vo mire āstāñ hue

    tasKHir sab nujum-o-mah-o-kahkashan hue

    mujh ko tha wo junun ki nigun do-jahan hue

    main zist ke safar mein akeli jo chal paDi

    azm-o-junun-o-shauq mere karwan hue

    dariya to ek pal mein samundar se ja mila

    aansu ThiThak ke aankh mein ek dastan hue

    nashshe mein taKHt-o-taj ke kal tak jo chur the

    sach hai lahad mein aaj wahi be-nishan hue

    jin pe ba-sad-niyaz jhuka di thi ye jabin

    'resham' nuqush-e-pa wo mere aastan hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY