taskin bas ana ki kiye ja rahe hain aap

taskīn bas anā kī kiye jā rahe haiñ aap

ham se bichhaḌ ke boliye kyā pā rahe haiñ aap

zāhir meñ 'ishq ham se to farmā rahe haiñ aap

bātin meñ pūchhiye to sitam Dhā rahe haiñ aap

yādoñ ko dafn kar chuke maazī kī qabr meñ

bāteñ purānī darmiyāñ kyoñ lā rahe haiñ aap

masrūfiyat thī aap se yuuñ mil nahīñ sake

afvāh kyoñ bichhaḌne kī phailā rahe haiñ aap

ummīd fasl-e-gul kī fazāoñ ko ho ga.ī

gulshan ko apnī ḳhushbū se bahkā rahe haiñ aap

duniyā meñ aur bhī haiñ ka.ī mas.ale magar

uljhī huī laToñ ko hī suljhā rahe haiñ aap

vā'da kiyā kisī se nibhāyā nahīñ kabhī

vā'doñ se hī 'amit' ko bhī bahlā rahe haiñ aap

taskin bas ana ki kiye ja rahe hain aap

hum se bichhaD ke boliye kya pa rahe hain aap

zahir mein 'ishq hum se to farma rahe hain aap

baatin mein puchhiye to sitam Dha rahe hain aap

yaadon ko dafn kar chuke mazi ki qabr mein

baaten purani darmiyan kyon la rahe hain aap

masrufiyat thi aap se yun mil nahin sake

afwah kyon bichhaDne ki phaila rahe hain aap

ummid fasl-e-gul ki fazaon ko ho gai

gulshan ko apni KHushbu se bahka rahe hain aap

duniya mein aur bhi hain kai masale magar

uljhi hui laTon ko hi suljha rahe hain aap

wa'da kiya kisi se nibhaya nahin kabhi

wa'don se hi 'amit' ko bhi bahla rahe hain aap