tegh-e-sitam kabhi hai to sang-e-jafa kabhi

teġh-e-sitam kabhī hai to sañg-e-jafā kabhī

ya.anī nasīb-e-ishq vahī hai jo thā kabhī

saayā na thā ki saath mirā chhoḌtā kabhī

ab bhī vo saath hai jo mire saath thā kabhī

aksar to ḳhushk hī mirī āñkheñ rahīñ magar

yuuñ bhī havā diye se diyā jal uThā kabhī

kuchh kuchh to ibtidā-e-asīrī meñ thā karam

phir haal pūchhne bhī na aa.ī sabā kabhī

har phuul kī mahak hai chaman meñ junūñ-asar

shāyad isī jagah koī sahrā bhī thā kabhī

vo log bhī haiñ sañg-ba-kaf jin se aaj tak

pūchhā na ham ne terī galī kā pata kabhī

tegh-e-sitam kabhi hai to sang-e-jafa kabhi

yani nasib-e-ishq wahi hai jo tha kabhi

saya na tha ki sath mera chhoDta kabhi

ab bhi wo sath hai jo mere sath tha kabhi

aksar to KHushk hi meri aankhen rahin magar

yun bhi hawa diye se diya jal uTha kabhi

kuchh kuchh to ibtida-e-asiri mein tha karam

phir haal puchhne bhi na aai saba kabhi

har phul ki mahak hai chaman mein junun-asar

shayad isi jagah koi sahra bhi tha kabhi

wo log bhi hain sang-ba-kaf jin se aaj tak

puchha na hum ne teri gali ka pata kabhi