tera gham teri aarzu kab tak
terā ġham terī aarzū kab tak
mujh se rūThā rahegā tū kab tak
be-zarūrat ye hāo-hū kab tak
vo nahīñ hai to justujū kab tak
tā-ba-kai ḳhvāhishoñ kī sho.ala-zanī
ye havas kī shadīd lū kab tak
kuchh ravānī kī intihā to ho
ya.anī arzāñ rahe lahū kab tak
mausam-e-roz-o-shab tamām bhī ho
ye tilismāt-e-rañg-o-bū kab tak
phuul bātoñ ke kuchh laboñ pe khilā
āñkhoñ āñkhoñ meñ guftugū kab tak
tera gham teri aarzu kab tak
mujh se ruTha rahega tu kab tak
be-zarurat ye hao-hu kab tak
wo nahin hai to justuju kab tak
ta-ba-kai KHwahishon ki shoala-zani
ye hawas ki shadid lu kab tak
kuchh rawani ki intiha to ho
yani arzan rahe lahu kab tak
mausam-e-roz-o-shab tamam bhi ho
ye tilismat-e-rang-o-bu kab tak
phul baaton ke kuchh labon pe khila
aankhon aankhon mein guftugu kab tak
Source:
intesaab (Pg. 89)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
