tera KHayal hai dil-e-hairan liye hue

Jagan Nath Azad

tera KHayal hai dil-e-hairan liye hue

Jagan Nath Azad

MORE BYJagan Nath Azad

    terā ḳhayāl hai dil-e-hairāñ liye hue

    zarra āftāb sāmāñ liye hue

    dekhā unheñ jo dīda-e-hairāñ liye hue

    dil rah gayā jarāhat-e-pinhāñ liye hue

    maiñ phir huuñ iltifāt-e-gurezāñ muntazir

    ik yād-e-iltifāt-e-gurezāñ liye hue

    maiñ chheḌne lagā huuñ phir apnī na.ī ġhazal

    aa jaao phir tabassum-e-pinhāñ liye hue

    kyā bebasī hai ye ki tire ġham ke saath saath

    maiñ apne dil meñ huuñ ġham-e-daurāñ liye hue

    furqat tirī to ek bahāna thī varna dost

    dil yuuñ bhī hai mirā ġham-e-pinhāñ liye hue

    ab qalb-e-muztarib meñ nahīñ tāb-e-dard-e-hijr

    ab aa bhī jaao dard darmāñ liye hue

    sirf ek shrt-e-dīda-e-bīnā hai ai kalīm

    zarre bhī haiñ tajlli-e-pinhāñ liye hue

    maiñ ne ġhazal kahī hai jigar zamīn meñ

    dil hai mirā nadāmat-e-pinhāñ liye hue

    āzād zauq-e-dīd na ho ḳhaam to yahāñ

    har ā.īna hai jalva-e-jānāñ liye hue

    tera KHayal hai dil-e-hairan liye hue

    ya zarra aaftab ka saman liye hue

    dekha unhen jo dida-e-hairan liye hue

    dil rah gaya jarahat-e-pinhan liye hue

    main phir hun iltifat-e-gurezan ka muntazir

    ek yaad-e-iltifat-e-gurezan liye hue

    main chheDne laga hun phir apni nai ghazal

    aa jao phir tabassum-e-pinhan liye hue

    kya bebasi hai ye ki tere gham ke sath sath

    main apne dil mein hun gham-e-dauran liye hue

    furqat teri to ek bahana thi warna dost

    dil yun bhi hai mera gham-e-pinhan liye hue

    ab qalb-e-muztarib mein nahin tab-e-dard-e-hijr

    ab aa bhi jao dard ka darman liye hue

    sirf ek shrt-e-dida-e-bina hai ai kalim

    zarre bhi hain tajlli-e-pinhan liye hue

    main ne ghazal kahi hai jigar ki zamin mein

    dil hai mera nadamat-e-pinhan liye hue

    aazad zauq-e-did na ho KHam to yahan

    har aaina hai jalwa-e-jaanan liye hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY