tere aage yar-e-nau yar-e-kuhan donon hain ek

tere aage yār-e-nau yār-e-kuhan donoñ haiñ ek

zāġh-e-zisht aur tūtī-e-shakkar-shikan donoñ haiñ ek

maiñ siyah-baḳht aur raqīb-e-rū-siyāh ham-rañg haiñ

qiir tere paas aur mushk-e-ḳhutan donoñ haiñ ek

naġhma-kash kyā dāstāñ apnī sunā.e vaañ jahāñ

sūrat-e-bulbul aur fariyād-e-zaġhan donoñ haiñ ek

ho raqīb-e-murda-shau par ho na kyuuñ raushan-bayāñ

yaañ charāġh-e-gor-o-sham-e-anjuman donoñ haiñ ek

'lutf' kī āzād-vaz.ī se mazā kyā ḳhaak uThā.eñ

yaañ zaqūm-e-dozaḳh o sarv-e-chaman donoñ haiñ ek

tere aage yar-e-nau yar-e-kuhan donon hain ek

zagh-e-zisht aur tuti-e-shakkar-shikan donon hain ek

main siyah-baKHt aur raqib-e-ru-siyah ham-rang hain

qir tere pas aur mushk-e-KHutan donon hain ek

naghma-kash kya dastan apni sunae wan jahan

surat-e-bulbul aur fariyaad-e-zaghan donon hain ek

ho raqib-e-murda-shau par ho na kyun raushan-bayan

yan charagh-e-gor-o-sham-e-anjuman donon hain ek

'lutf' ki aazad-wazi se maza kya KHak uThaen

yan zaqum-e-dozaKH o sarw-e-chaman donon hain ek