tere bhi munh ki raushni raat gai thi mah se mil

tere bhī muñh kī raushnī raat ga.ī thī mah se mil

taab se taab ruḳh se ruḳh nuur se nuur zil se zil

yūsuf-e-misr se magar milte haiñ sab tire nishāñ

zulf se zulf lab se lab chashm se chashm til se til

jitne haiñ kushtagān-e-ishq un ke azal se haiñ mile

ashk se ashk nam se nam ḳhuun se ḳhuun gil se gil

jab se muā hai kohkan karte haiñ us kā ġham sadā

koh se koh jū se jū sañg se sañg sil se sil

yaar milā jab ai 'nazīr' mere gale, to mil ga.e

jism se jism jaañ se jaañ ruuh se ruuh dil se dil

tere bhi munh ki raushni raat gai thi mah se mil

tab se tab ruKH se ruKH nur se nur zil se zil

yusuf-e-misr se magar milte hain sab tere nishan

zulf se zulf lab se lab chashm se chashm til se til

jitne hain kushtagan-e-ishq un ke azal se hain mile

ashk se ashk nam se nam KHun se KHun gil se gil

jab se mua hai kohkan karte hain us ka gham sada

koh se koh ju se ju sang se sang sil se sil

yar mila jab ai 'nazir' mere gale, to mil gae

jism se jism jaan se jaan ruh se ruh dil se dil