tere bikhre hue lafzon ki kahani likh dun

tere bikhre hue lafzoñ kī kahānī likh duuñ

apnī ġhazloñ meñ maiñ terī hī javānī likh duuñ

chashm-e-āhū kī qasam rone se dukhtā hai dil

terī palkoñ pe maiñ har shaam suhānī likh duuñ

chāñd sāhil pe utar aayā shab-e-furqat meñ

naam is ke maiñ samundar kī ravānī likh duuñ

raushnā.ī hai lagī rang-e-hinā rahne do

ḳhāma-farsā.ī meñ duniyā ye lubhānī likh duuñ

aaj kashtī ne bhī pahnā hai nayā joḌā phir

naam sahrā ke hī ab dariyā kā paanī likh duuñ

ḳhair tāroñ se mulāqāteñ to hotī rahtīñ

is qabīle meñ koī us kī nishānī likh duuñ

tere bikhre hue lafzon ki kahani likh dun

apni ghazlon mein main teri hi jawani likh dun

chashm-e-ahu ki qasam rone se dukhta hai dil

teri palkon pe main har sham suhani likh dun

chand sahil pe utar aaya shab-e-furqat mein

nam is ke main samundar ki rawani likh dun

raushnai hai lagi rang-e-hina rahne do

KHama-farsai mein duniya ye lubhani likh dun

aaj kashti ne bhi pahna hai naya joDa phir

nam sahra ke hi ab dariya ka pani likh dun

KHair taron se mulaqaten to hoti rahtin

is qabile mein koi us ki nishani likh dun