tere dar se main uTha lekin na mera dil uTha

tere dar se maiñ uThā lekin na merā dil uThā

chhoḌ kar ho jis tarah kaasa koī saa.il uThā

qais kyā jaane ki merā dekhnā manzūr thā

ḳhud-baḳhud ho jab havā se parda-e-mahmil uThā

girye ne pahle hī apnā kar rakhā thā bandobast

maiñ uThā bhī vaañ se chalne ko to pā-dar-gil uThā

bosa-e-āriz mujhe dete hue Dartā hai kyuuñ

luñgā kyā nok-e-zabāñ se tirī ruḳh kā til uThā

jab uThā ḳhanjar na us se is adā par mar ga.e

ham se bhī goyā na bār-e-minnat-e-qātil uThā

shikva-e-bār-e-ġham-e-hijrāñ hai ḳhat meñ mundaraj

nāma-bar kab ho ke mere naamī kā haa.il uThā

ġhair ne aa kar nahīñ kī gudgudī gar ḳhvāb meñ

niiñd se kyuuñ is tarah hañstā huā khil-khil uThā

garche rakhtā huuñ kahīñ aur paañv paḌtā hai kahīñ

par ġhanīmat hai ki hai muñh jānib-e-manzil uThā

ashk go ātish nahīñ 'nāzim' magar tezāb hai

dekh chashm-e-tar se apnī āstīñ ġhāfil uThā

tere dar se main uTha lekin na mera dil uTha

chhoD kar ho jis tarah kasa koi sail uTha

qais kya jaane ki mera dekhna manzur tha

KHud-baKHud ho jab hawa se parda-e-mahmil uTha

girye ne pahle hi apna kar rakha tha bandobast

main uTha bhi wan se chalne ko to pa-dar-gil uTha

bosa-e-ariz mujhe dete hue Darta hai kyun

lunga kya nok-e-zaban se teri ruKH ka til uTha

jab uTha KHanjar na us se is ada par mar gae

hum se bhi goya na bar-e-minnat-e-qatil uTha

shikwa-e-bar-e-gham-e-hijran hai KHat mein mundaraj

nama-bar kab ho ke mere nami ka hail uTha

ghair ne aa kar nahin ki gudgudi gar KHwab mein

nind se kyun is tarah hansta hua khil-khil uTha

garche rakhta hun kahin aur panw paDta hai kahin

par ghanimat hai ki hai munh jaanib-e-manzil uTha

ashk go aatish nahin 'nazim' magar tezab hai

dekh chashm-e-tar se apni aastin ghafil uTha