tere dil mein base nahin the hum

tere dil meñ base nahīñ the ham

'ishq meñ kyā khare nahīñ the ham

kis tarah terī ḳhairiyat miltī

facebōk se juḌe nahīñ the ham

ḳhuub ro.e lipaT ke album se

tujh se to bolte nahīñ the ham

tū ne ḳhud hī diyā thā dil ham ko

paañv tere paḌe nahīñ the ham

jā ke vāpas bhī lauT sakte the

ġhair ke to hue nahīñ the ham

dard-e-ulfat huā thā ham ko bhī

sang ke to bane nahīñ the ham

aap jitnā hameñ samajhte the

us qadar bhī bure nahīñ the ham

tujh se milne kī dhun meñ 'iid ke din

aur kisī se mile nahīñ the ham

muddatoñ us ne luuTā qistoñ meñ

ek din meñ luTe nahīñ the ham

tere dil mein base nahin the hum

'ishq mein kya khare nahin the hum

kis tarah teri KHairiyat milti

facebook se juDe nahin the hum

KHub roe lipaT ke album se

tujh se to bolte nahin the hum

tu ne KHud hi diya tha dil hum ko

panw tere paDe nahin the hum

ja ke wapas bhi lauT sakte the

ghair ke to hue nahin the hum

dard-e-ulfat hua tha hum ko bhi

sang ke to bane nahin the hum

aap jitna hamein samajhte the

us qadar bhi bure nahin the hum

tujh se milne ki dhun mein 'id ke din

aur kisi se mile nahin the hum

muddaton us ne luTa qiston mein

ek din mein luTe nahin the hum