tere dil mein jahan main baiTha hun

tere dil meñ jahāñ maiñ baiThā huuñ

dukh hai sab ko kahāñ maiñ baiThā huuñ

muntazir jān-e-jāñ maiñ baiThā huuñ

aa bhī jā mehrbāñ maiñ baiThā huuñ

raunaqeñ aap se thiiñ mahfil meñ

kis ne dekhā vahāñ maiñ baiThā huuñ

tere jaane se bujh gayā dil bhī

ab yahāñ rā.egāñ maiñ baiThā huuñ

apne yāroñ se dushmanī kaisī

kis liye bad-gumāñ maiñ baiThā huuñ

raakh hone ko hai mirī hastī

ho ke shoa.la-fishāñ maiñ baiThā huuñ

mujh ko jaldī nahīñ hai jaane kī

tum kaho dāstāñ maiñ baiThā huuñ

apne pahlū meñ āsmāñ le kar

dekh le ai zamāñ maiñ baiThā huuñ

tere dil mein jahan main baiTha hun

dukh hai sab ko kahan main baiTha hun

muntazir jaan-e-jaan main baiTha hun

aa bhi ja mehrban main baiTha hun

raunaqen aap se thin mahfil mein

kis ne dekha wahan main baiTha hun

tere jaane se bujh gaya dil bhi

ab yahan raegan main baiTha hun

apne yaron se dushmani kaisi

kis liye bad-guman main baiTha hun

rakh hone ko hai meri hasti

ho ke shoala-fishan main baiTha hun

mujh ko jaldi nahin hai jaane ki

tum kaho dastan main baiTha hun

apne pahlu mein aasman le kar

dekh le ai zaman main baiTha hun