tere dil mein KHud ko ek din bo dunga

tere dil meñ ḳhud ko ik din bo dūñgā

terī aañkh se ban kar sāvan niklūñgā

jaane kab se dhyān lagā.e baiThā huuñ

dastak hogī aur darvāza kholūñgā

ruḳhsat ke lamhe jo merā haal huā

vāpas aa.egā to us se kah dūñgā

mujh ko tum se pyaar nahīñ hai sach hai ye

aaj bhī us se jhuuT yahī maiñ bolūñgā

vahm hai merā yā to ek haqīqat hai

ab ke tujh ko haath lagā kar dekhūñgā

siikh rahā huuñ duniyā-dārī kuchh din se

ya.anī ab maiñ jhuuT bhī sachche bolūñgā

tanhā.ī meñ raat kahāñ par kaTtī hai

im-shab apnā pīchhā kar ke dekhūñgā

tere dil mein KHud ko ek din bo dunga

teri aankh se ban kar sawan niklunga

jaane kab se dhyan lagae baiTha hun

dastak hogi aur darwaza kholunga

ruKHsat ke lamhe jo mera haal hua

wapas aaega to us se kah dunga

mujh ko tum se pyar nahin hai sach hai ye

aaj bhi us se jhuT yahi main bolunga

wahm hai mera ya to ek haqiqat hai

ab ke tujh ko hath laga kar dekhunga

sikh raha hun duniya-dari kuchh din se

yani ab main jhuT bhi sachche bolunga

tanhai mein raat kahan par kaTti hai

im-shab apna pichha kar ke dekhunga