tere gham ke shikar hain hum log

tere ġham ke shikār haiñ ham log

phir bhī tujh par nisār haiñ ham log

ham se pūchho ma.āl-e-lāla-o-gul

kushtagān-e-bahār haiñ ham log

jis ko sun kar falak laraz uTThe

vo fuġhāñ vo pukār haiñ ham log

kal nasīm-e-sahar kā jhoñkā the

aaj gard-o-ġhubār haiñ ham log

zindagī ko ḳhabar nahīñ lekin

zindagī kā vaqār haiñ ham log

ham se bhī be-ruḳhī are tauba

aap ke rāzdār haiñ ham log

jaane kyā raaz hai ye ai 'ġhamgīn'

jaane kyoñ be-qarār haiñ ham log

tere gham ke shikar hain hum log

phir bhi tujh par nisar hain hum log

hum se puchho maal-e-lala-o-gul

kushtagan-e-bahaar hain hum log

jis ko sun kar falak laraz uTThe

wo fughan wo pukar hain hum log

kal nasim-e-sahar ka jhonka the

aaj gard-o-ghubar hain hum log

zindagi ko KHabar nahin lekin

zindagi ka waqar hain hum log

hum se bhi be-ruKHi are tauba

aap ke raazdar hain hum log

jaane kya raaz hai ye ai 'ghamgin'

jaane kyon be-qarar hain hum log