tere liye sab chhoD ke tera na raha main

Abbas Tabish

tere liye sab chhoD ke tera na raha main

Abbas Tabish

MORE BYAbbas Tabish

    tere liye sab chhoḌ ke terā na rahā maiñ

    duniyā bhī ga.ī ishq meñ tujh se bhī gayā maiñ

    ik soch meñ gum huuñ tirī dīvār se lag kar

    manzil pe pahuñch kar bhī Thikāne na lagā maiñ

    varna koī kab gāliyāñ detā hai kisī ko

    ye us karam hai ki tujhe yaad rahā maiñ

    maiñ tez havā meñ bhī bagūle tarah thā

    aayā thā mujhe taish magar jhuum uThā maiñ

    is darja mujhe khokhlā kar rakkhā thā ġham ne

    lagtā thā gayā ab ke gayā ab ke gayā maiñ

    ye dekh mirā haath mire ḳhuun se tar hai

    ḳhush ho ki tirā madd-e-muqābil na rahā maiñ

    ik dhoke meñ duniyā ne mirī raa.e talab

    kahte the ki patthar huuñ magar bol paḌā maiñ

    ab taish meñ aate pakaḌ letā huuñ paañv

    is ishq se pahle kabhī aisā to na thā maiñ

    tere liye sab chhoD ke tera na raha main

    duniya bhi gai ishq mein tujh se bhi gaya main

    ek soch mein gum hun teri diwar se lag kar

    manzil pe pahunch kar bhi Thikane na laga main

    warna koi kab galiyan deta hai kisi ko

    ye us ka karam hai ki tujhe yaad raha main

    main tez hawa mein bhi bagule ki tarah tha

    aaya tha mujhe taish magar jhum uTha main

    is darja mujhe khokhla kar rakkha tha gham ne

    lagta tha gaya ab ke gaya ab ke gaya main

    ye dekh mera hath mere KHun se tar hai

    KHush ho ki tera madd-e-muqabil na raha main

    ek dhoke mein duniya ne meri rae talab ki

    kahte the ki patthar hun magar bol paDa main

    ab taish mein aate hi pakaD leta hun panw

    is ishq se pahle kabhi aisa to na tha main

    Source :
    • Book : Ishq Abaad (kulliyat) (Pg. 383)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now