teri duniya ye tere guman o yaqin ya-aKHi
terī duniyā ye tere gumān o yaqīñ yā-aḳhī
vāhime ke sivā aur kuchh bhī nahīñ yā-aḳhī
ek bad-shakl sī aarzū ke sivā kuchh na thā
ham samajhte rahe jis ko sab se hasīñ yā-aḳhī
baas taaza lahū kī havāoñ meñ hai chār-sū
ḳhud ko dekhūñ ki dekhūñ tirī āstīñ yā-aḳhī
murshidī aap ke āstāne kī kyā baat hai
milte haiñ is jagah āsmān-o-zamīñ yā-aḳhī
irtikāz-e-tavajjoh se kab hote haiñ mo.ajize
habs-e-dam hī to husn-e-tasavvuf nahīñ yā-aḳhī
jurm ye hai ki ḳhurshīd ke ḳhānvāde se huuñ
mujh se ḳhā.if haiñ kyoñ aap ke jā-nashīñ yā-aḳhī
zindagī misl-e-sha'ab-e-abī-tālib 'āsif' kī hai
bā-ḳhudā sāzishoñ ke sabab bil-yaqīñ yā-aḳhī
teri duniya ye tere guman o yaqin ya-aKHi
wahime ke siwa aur kuchh bhi nahin ya-aKHi
ek bad-shakl si aarzu ke siwa kuchh na tha
hum samajhte rahe jis ko sab se hasin ya-aKHi
bas taza lahu ki hawaon mein hai chaar-su
KHud ko dekhun ki dekhun teri aastin ya-aKHi
murshidi aap ke aastane ki kya baat hai
milte hain is jagah aasman-o-zamin ya-aKHi
irtikaz-e-tawajjoh se kab hote hain moajize
habs-e-dam hi to husn-e-tasawwuf nahin ya-aKHi
jurm ye hai ki KHurshid ke KHanwade se hun
mujh se KHaif hain kyon aap ke ja-nashin ya-aKHi
zindagi misl-e-sha'ab-e-abi-talib 'asif' ki hai
ba-KHuda sazishon ke sabab bil-yaqin ya-aKHi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.