teri gali mein ek diwana aksar aaya karta tha

terī galī meñ ik dīvāna aksar aayā kartā thā

dīvāroñ se sar Takrā ke lutf uThāyā kartā thā

baiTh ke sāhil par ham donoñ sapne boyā karte the

ret ke siine par ik bachcha mahl ugāyā kartā thā

aaj bhī is marhūm kī yādeñ ashkoñ se paivasta haiñ

dil dukhiyārā tere mere dard baTāyā kartā thā

mere paañv chaaT ke mere qad se bhī baḌh jaatā thā

mere saath tamāshe kitne merā saaya kartā thā

nok-e-mizha par kitne qulzum thaam ke baiThā rahtā thā

jaane kyuuñ maiñ gahre gahre zaḳhm chhupāyā kartā thā

ye bhī husūl-e-nāmvarī kī kitnī pāgal koshish thī

āb-e-ravāñ par likh ke apnā naam miTāyā kartā thā

teri gali mein ek diwana aksar aaya karta tha

diwaron se sar Takra ke lutf uThaya karta tha

baiTh ke sahil par hum donon sapne boya karte the

ret ke sine par ek bachcha mahl ugaya karta tha

aaj bhi is marhum ki yaaden ashkon se paiwasta hain

dil dukhiyara tere mere dard baTaya karta tha

mere panw chaT ke mere qad se bhi baDh jata tha

mere sath tamashe kitne mera saya karta tha

nok-e-mizha par kitne qulzum tham ke baiTha rahta tha

jaane kyun main gahre gahre zaKHm chhupaya karta tha

ye bhi husul-e-namwari ki kitni pagal koshish thi

aab-e-rawan par likh ke apna nam miTaya karta tha