terī giraft meñ aa.e na ḳhud ke bas meñ rahe
ham abr ban ke havāoñ kī dastaras meñ rahe
vo kaun log the sahrā meñ jin ko phuul mile
chaman meñ rah ke bhī ham log ḳhār-o-ḳhas meñ rahe
hamārī sāda-mizājī hī ham ko le Duubī
ham āsmān the lekin zamīñ ke bas meñ rahe
vo qāfile jo kahīñ dasht-e-shab meñ dafn hue
sahar huī bhī to āvāza-e-jaras meñ rahe
bujhe to kaise bujhe pyaas jism-o-jāñ kī 'naved'
ki chand ghūñT hī paimāna-e-havas meñ rahe
teri giraft mein aae na KHud ke bas mein rahe
hum abr ban ke hawaon ki dastaras mein rahe
wo kaun log the sahra mein jin ko phul mile
chaman mein rah ke bhi hum log KHar-o-KHas mein rahe
hamari sada-mizaji hi hum ko le Dubi
hum aasman the lekin zamin ke bas mein rahe
wo qafile jo kahin dasht-e-shab mein dafn hue
sahar hui bhi to aawaza-e-jaras mein rahe
bujhe to kaise bujhe pyas jism-o-jaan ki 'nawed'
ki chand ghunT hi paimana-e-hawas mein rahe
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.