teri har ek baat hai nashtar na chheD

terī har ik baat hai nashtar na chheḌ

pakkā phoḌā huuñ maiñ ai dilbar na chheḌ

maiñ agar royā to kyā haath aa.egā

ashk ke qatre nahīñ gauhar na chheḌ

muñh se kah baiTheñge jo ho jā.egā

ham saḌe saudā.iyoñ se Dar na chheḌ

tere qadmoñ se lagā huuñ rahm kar

Thokaroñ se o but-e-ḳhud-sar na chheḌ

shīsha-e-dil chuur ho jā.egā yaar

hai kalām-e-saḳht bhī patthar na chheḌ

ḳhauf kar ham dil-jaloñ kī aah se

chheḌnā ham ko nahīñ behtar na chheḌ

bhaḌ kā chhattā hai dil-e-sūrāḳh-dār

us kī aaheñ taish haiñ dilbar na chheḌ

dast-e-nāzuk ko na pahuñche koī rañj

jhaaḌ kāñToñ kā huuñ maiñ lāġhar na chheḌ

be-mazā bātoñ se dil uktā gayā

chheḌe se ab dam hai hoñToñ par na chheḌ

bū-e-ḳhūñ aatī hai is taqrīr se

zikr ġhairoñ kā mire muñh par na chheḌ

ve ki ro.egā hañsī achchhī nahīñ

chheḌ meñ kuchh ho na jaa.e shar na chheḌ

terī aaheñ yaar ko nā-sāz haiñ

saaz apnā ai dil-e-muztar na chheḌ

hashr barpā kar ke leTā huuñ abhī

sone de o fitna-e-mahshar na chheḌ

kah vo mashshāta se af.ī hai vo zulf

us ke kaaTe kā nahīñ mantar na chheḌ

ro.egā DāḌhī ko DāḌheñ maar kar

mohtasib rindoñ ko muñh chaḌh kar na chheḌ

ḳhush na hogā koī sotā chauñk kar

'bahr' tū ġhāfil ko samjhā kar na chheḌ

teri har ek baat hai nashtar na chheD

pakka phoDa hun main ai dilbar na chheD

main agar roya to kya hath aaega

ashk ke qatre nahin gauhar na chheD

munh se kah baiThenge jo ho jaega

hum saDe saudaiyon se Dar na chheD

tere qadmon se laga hun rahm kar

Thokaron se o but-e-KHud-sar na chheD

shisha-e-dil chur ho jaega yar

hai kalam-e-saKHt bhi patthar na chheD

KHauf kar hum dil-jalon ki aah se

chheDna hum ko nahin behtar na chheD

bhaD ka chhatta hai dil-e-suraKH-dar

us ki aahen taish hain dilbar na chheD

dast-e-nazuk ko na pahunche koi ranj

jhaD kanTon ka hun main laghar na chheD

be-maza baaton se dil ukta gaya

chheDe se ab dam hai honTon par na chheD

bu-e-KHun aati hai is taqrir se

zikr ghairon ka mere munh par na chheD

we ki roega hansi achchhi nahin

chheD mein kuchh ho na jae shar na chheD

teri aahen yar ko na-saz hain

saz apna ai dil-e-muztar na chheD

hashr barpa kar ke leTa hun abhi

sone de o fitna-e-mahshar na chheD

kah wo mashshata se afi hai wo zulf

us ke kaTe ka nahin mantar na chheD

roega DaDhi ko DaDhen mar kar

mohtasib rindon ko munh chaDh kar na chheD

KHush na hoga koi sota chaunk kar

'bahr' tu ghafil ko samjha kar na chheD