aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

teri mahfil mein jitne ai sitam-gar jaane wale hain

Sardar Genda Singh Mashriqi

teri mahfil mein jitne ai sitam-gar jaane wale hain

Sardar Genda Singh Mashriqi

MORE BYSardar Genda Singh Mashriqi

    terī mahfil meñ jitne ai sitam-gar jaane vaale haiñ

    hamīñ haiñ ek un meñ jo tirā ġham khāne vaale haiñ

    adam ke jaane vaalo dauḌte ho kis liye Thahro

    zarā mil ke chalo ham bhī vahīñ ke jaane vaale haiñ

    safā.ī ab hamārī aur tumhārī ho to kyuuñ kar ho

    vahī dushman haiñ apne jo tumheñ samjhāne vaale haiñ

    kise ham dost samjheñ is jahāñ meñ aur kise dushman

    ki jo samjhāne vaale haiñ vahī bahkāne vaale haiñ

    maraz baḌh jaa.e jis se ai tabīb ab vo davā denā

    sunā hai aaj vo merī ḳhabar ko aane vaale haiñ

    na sunte haiñ kisī aur muñh se baat karte haiñ

    ḳhudā jaane musāfir ye kahāñ ke jaane vaale haiñ

    tire bīmār kab khā.eñ davā parhez kyā jāneñ

    ye haiñ ḳhūn-e-jigar piite ye ġham ke khāne vaale haiñ

    qayāmat tak na vo ai 'mashriqī' manzil pe pahuñcheñge

    ḳhayālī ghoḌe jo maidān meñ dauḌāne vaale haiñ

    teri mahfil mein jitne ai sitam-gar jaane wale hain

    hamin hain ek un mein jo tera gham khane wale hain

    adam ke jaane walo dauDte ho kis liye Thahro

    zara mil ke chalo hum bhi wahin ke jaane wale hain

    safai ab hamari aur tumhaari ho to kyun kar ho

    wahi dushman hain apne jo tumhein samjhane wale hain

    kise hum dost samjhen is jahan mein aur kise dushman

    ki jo samjhane wale hain wahi bahkane wale hain

    maraz baDh jae jis se ai tabib ab wo dawa dena

    suna hai aaj wo meri KHabar ko aane wale hain

    na sunte hain kisi ki aur munh se baat karte hain

    KHuda jaane musafir ye kahan ke jaane wale hain

    tere bimar kab khaen dawa parhez kya jaanen

    ye hain KHun-e-jigar pite ye gham ke khane wale hain

    qayamat tak na wo ai 'mashriqi' manzil pe pahunchenge

    KHayali ghoDe jo maidan mein dauDane wale hain

    Source:

    Deewan-e-Mashriqi (Pg. e-199 p-203)

    • Author: Sardar Genda Singh Mashriqi
      • Edition: 1989
      • Publisher: Sardar Kulwant Singh
      • Year of Publication: 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now