teri naraazgi fasl-e-KHizan hai
terī nārāzgī fasl-e-ḳhizāñ hai
rifāqat gulsitāñ hī gulsitāñ hai
huī hai vaar par jis kī samā'at
hadīs-e-ishq aisī dāstāñ hai
yaqīnan inqalāb aayā hai koī
hamārā zikr aur un kī zabāñ hai
ġhamoñ kā zañg jo dil se miTā de
vo dilkash aap kā tarz-e-bayāñ hai
mujhe mauj-e-havādis kā nahīñ Dar
safīna kī mire himmat javāñ hai
vatan ke rahnumā se pūchhtā huuñ
vo rahzan hai ki mīr-e-kārvāñ hai
teri naraazgi fasl-e-KHizan hai
rifaqat gulsitan hi gulsitan hai
hui hai war par jis ki sama'at
hadis-e-ishq aisi dastan hai
yaqinan inqalab aaya hai koi
hamara zikr aur un ki zaban hai
ghamon ka zang jo dil se miTa de
wo dilkash aap ka tarz-e-bayan hai
mujhe mauj-e-hawadis ka nahin Dar
safina ki mere himmat jawan hai
watan ke rahnuma se puchhta hun
wo rahzan hai ki mir-e-karwan hai
- Book : SAAZ-O-NAVA (Pg. 153)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
