teri nigah-e-naz jo nawak-asar na ho
teri nigah-e-naz jo nawak-asar na ho
Hakeem Asad Ali Khan muztar
MORE BYHakeem Asad Ali Khan muztar
terī nigāh-e-nāz jo nāvak-asar na ho
taklīf-e-chāra-sāzī-e-zaḳhm-e-jigar na ho
mujh se bhī kuchh sivā hai unheñ merī aarzū
ye shauq vo nahīñ jo udhar ho idhar na ho
maiñ aur mujh ko va.ada-e-dīdār kī umiid
vo chāhtā huuñ aaj ki jo umr bhar na ho
ai barq-e-husn-e-yār zarā chashm-e-iltifāt
yuuñ jal bujhūñ ki mujh ko bhī merī ḳhabar na ho
ka.abe meñ hai nishāñ na kahīñ dair meñ pata
terī galī meñ 'muztar'-e-āshufta-sar na ho
teri nigah-e-naz jo nawak-asar na ho
taklif-e-chaara-sazi-e-zaKHm-e-jigar na ho
mujh se bhi kuchh siwa hai unhen meri aarzu
ye shauq wo nahin jo udhar ho idhar na ho
main aur mujh ko wada-e-didar ki umid
wo chahta hun aaj ki jo umr bhar na ho
ai barq-e-husn-e-yar zara chashm-e-iltifat
yun jal bujhun ki mujh ko bhi meri KHabar na ho
kabe mein hai nishan na kahin dair mein pata
teri gali mein 'muztar'-e-ashufta-sar na ho
Source:
Noquush (Pg. B-421 E431)
-
- Edition: May June 1954
- Publisher: Nuqoosh Press Lahore
- Year of Publication: May June 1954
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
