teri nigah-e-naz ke bismil na honge hum

terī nigāh-e-nāz ke bismil na hoñge ham

har rañg har fazā meñ to shāmil na hoñge ham

ik bevafā se ham ne yahāñ tak kahā kabhī

chāhegā gar ḳhudā bhī to hāsil na hoñge ham

tanqīd karne vāloñ pe hañsnā paḌā hameñ

mushkil vo chāhte hameñ mushkil na hoñge ham

sāhil pe jaane vaale kabhī lauTte nahīñ

dhoke se bhī kabhī koī sāhil na hoñge ham

ham ko hai ishq us se jo hai 'jaun-elia'

ya.anī ki aap ke koī qābil na hoñge ham

ham ne to apne jism meñ ik dil ko maarā hai

kyā phir bhī sochte ho ki qātil na hoñge ham

maanā sharāb piite haiñ to kyā huā miyāñ

ya.anī ki aap kahte haiñ fāzil na hoñge ham

teri nigah-e-naz ke bismil na honge hum

har rang har faza mein to shamil na honge hum

ek bewafa se hum ne yahan tak kaha kabhi

chahega gar KHuda bhi to hasil na honge hum

tanqid karne walon pe hansna paDa hamein

mushkil wo chahte hamein mushkil na honge hum

sahil pe jaane wale kabhi lauTte nahin

dhoke se bhi kabhi koi sahil na honge hum

hum ko hai ishq us se jo hai 'jaun-elia'

yani ki aap ke koi qabil na honge hum

hum ne to apne jism mein ek dil ko mara hai

kya phir bhi sochte ho ki qatil na honge hum

mana sharab pite hain to kya hua miyan

yani ki aap kahte hain fazil na honge hum