teri surat jo dil-nashin ki hai
terī sūrat jo dil-nashīñ kī hai
āshnā shakl har hasīñ kī hai
husn se dil lagā ke hastī kī
har ghaḌī ham ne ātishīñ kī hai
sub.h-e-gul ho ki shām-e-mai-ḳhāna
mad.h us rū-e-nāznīñ kī hai
shaiḳh se be-hirās milte haiñ
ham ne tauba abhī nahīñ kī hai
zikr-e-dozaḳh bayān-e-hūr o qusūr
baat goyā yahīñ kahīñ kī hai
ashk to kuchh bhī rañg lā na sake
ḳhuuñ se tar aaj āstīñ kī hai
kaise māneñ haram ke sahl-pasand
rasm jo āshiqoñ ke diiñ kī hai
'faiz' auj-e-ḳhayāl se ham ne
āsmāñ sindh kī zamīñ kī hai
teri surat jo dil-nashin ki hai
aashna shakl har hasin ki hai
husn se dil laga ke hasti ki
har ghaDi hum ne aatishin ki hai
subh-e-gul ho ki sham-e-mai-KHana
madh us ru-e-naznin ki hai
shaiKH se be-hiras milte hain
hum ne tauba abhi nahin ki hai
zikr-e-dozaKH bayan-e-hur o qusur
baat goya yahin kahin ki hai
ashk to kuchh bhi rang la na sake
KHun se tar aaj aastin ki hai
kaise manen haram ke sahl-pasand
rasm jo aashiqon ke din ki hai
'faiz' auj-e-KHayal se hum ne
aasman sindh ki zamin ki hai
Source:
Nuskha Hai Wafa (Pg. 177)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
