teri surat nigahon mein phirti rahe ishq tera satae to main kya karun

Tabish Kanpuri

teri surat nigahon mein phirti rahe ishq tera satae to main kya karun

Tabish Kanpuri

MORE BYTabish Kanpuri

    terī sūrat nigāhoñ meñ phirtī rahe ishq terā satā.e to maiñ kyā karūñ

    koī itnā to aa kar batā de mujhe jab tirī yaad aa.e to maiñ kyā karūñ

    maiñ ne ḳhāk-e-nasheman ko bose diye aur ye kah ke bhī dil ko samjhā liyā

    āshiyāna banānā mirā kaam thā koī bijlī girā.e to maiñ kyā karūñ

    maiñ ne māñgī thī ye masjidoñ meñ duā maiñ jise chāhtā huuñ vo mujh ko mile

    jo mirā farz thā maiñ ne puurā kiyā ab ḳhudā na chāhe to maiñ kyā karūñ

    shauq piine mujh ko ziyāda na thā tark-e-tauba koī irāda na thā

    maiñ sharābī nahīñ mujh ko tohmat na do vo nazar se pilā.e to maiñ kyā karūñ

    husn aur ishq donoñ meñ tafrīq hai par inhīñ donoñ pe merā īmān hai

    gar ḳhudā ruuTh jaa.e to sajde karūñ aur sanam ruuTh jaa.e to maiñ kyā karūñ

    chashm-e-sāqī se piine ko maiñ jo gayā pārsā.ī merī bharam khul gayā

    ban rahā hai jahāñ meñ tamāshā mirā hosh mujh ko na aa.e to maiñ kyā karūñ

    teri surat nigahon mein phirti rahe ishq tera satae to main kya karun

    koi itna to aa kar bata de mujhe jab teri yaad aae to main kya karun

    main ne KHak-e-nasheman ko bose diye aur ye kah ke bhi dil ko samjha liya

    aashiyana banana mera kaam tha koi bijli girae to main kya karun

    main ne mangi thi ye masjidon mein dua main jise chahta hun wo mujh ko mile

    jo mera farz tha main ne pura kiya ab KHuda hi na chahe to main kya karun

    shauq pine ka mujh ko ziyaada na tha tark-e-tauba ka koi irada na tha

    main sharabi nahin mujh ko tohmat na do wo nazar se pilae to main kya karun

    husn aur ishq donon mein tafriq hai par inhin donon pe mera iman hai

    gar KHuda ruTh jae to sajde karun aur sanam ruTh jae to main kya karun

    chashm-e-saqi se pine ko main jo gaya parsai ka meri bharam khul gaya

    ban raha hai jahan mein tamasha mera hosh mujh ko na aae to main kya karun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY