teri yaadon mein khoe rahen meri jaan

terī yādoñ meñ kho.e raheñ merī jaañ

itnī mohlat kise itnī fursat kahāñ

jis jagah Tap se aañsū kā qatra girā

ek sho.ala sā bhaḌkā vahīñ nā-gahāñ

ham se kyā pūchhte ho hameñ kyā ḳhabar

aag kyuuñ lag ga.ī āshiyāñ āshiyāñ

ham bhaTakte rahe dasht-e-zulmāt meñ

phuul hañste rahe gulsitāñ gulsitāñ

haa.e vo ajnabī log ik shahr ke

āshnā āshnā mehrbāñ mehrbāñ

sach hai tū ne kabhī mujh ko chāhā na thā

dil kahāñ, ek hone kī sūrat kahāñ

tū ne kab mujh se bāñdhā thā ahd-e-vafā

ḳhārzāroñ meñ bastī nahīñ titliyāñ

'nūr' tārīkiyāñ is qadar baḌh ga.iiñ

miT ga.e chāñd rātoñ ke saare nishāñ

teri yaadon mein khoe rahen meri jaan

itni mohlat kise itni fursat kahan

jis jagah Tap se aansu ka qatra gira

ek shoala sa bhaDka wahin na-gahan

hum se kya puchhte ho hamein kya KHabar

aag kyun lag gai aashiyan aashiyan

hum bhaTakte rahe dasht-e-zulmat mein

phul hanste rahe gulsitan gulsitan

hae wo ajnabi log ek shahr ke

aashna aashna mehrban mehrban

sach hai tu ne kabhi mujh ko chaha na tha

dil kahan, ek hone ki surat kahan

tu ne kab mujh se bandha tha ahd-e-wafa

KHarzaron mein basti nahin titliyan

'nur' tarikiyan is qadar baDh gain

miT gae chand raaton ke sare nishan