teri zulfen ghair agar suljhaega

Shad Azimabadi

teri zulfen ghair agar suljhaega

Shad Azimabadi

MORE BYShad Azimabadi

    terī zulfeñ ġhair agar suljhā.egā

    aañkh vāloñ se na dekhā jā.egā

    sab tarah saḳhtiyāñ sah jā.egā

    kyuuñ dilā bhī kabhī kaam aa.egā

    ek din aisā bhī nāseh aa.egā

    ġham ko maiñ aur ġham mujhe khā jā.egā

    ai falak aisā bhī ik din aa.egā

    jab kiye par apne pachhtā.egā

    vasl meñ dhaḌkā hai nāhaq hijr

    vo din ā.eñge tujhe samjhā.egā

    aa chuke ahbāb uThāne merī laash

    naaz us ko dekhiye kab lā.egā

    choT khaa.e dil mātam-dār hai

    merā naala bhī taḌaptā jā.egā

    chhoḌ de ham vahshiyoñ ko ai ġhubār

    pīchhe pīchhe kahāñ tak aa.egā

    muntazir hai jān-e-bar-lab-āmada

    dekhiye kab phir ke qāsid aa.egā

    hijr meñ naale ġhanīmat jaan le

    phir to ḳhud ai zof pachhtā.egā

    nīm-kushta haiñ to haiñ phir kyā kareñ

    kuchh agar boleñ to vo sharmā.egā

    josh-e-vahshat tujh pe sadqe apnī jaan

    kaun talve is tarah sahlā.egā

    aur bhī taḌpā diyā ġham-ḳhvār ne

    ḳhud hai vahshī kyā mujhe bahalā.egā

    rāh-rau tujh kahāñ ai ḳhizr-e-shauq

    kaun terī ḳhāk-e-pā ko pā.egā

    baaġh meñ kyā jaa.eñ aatī hai ḳhizāñ

    gul utrā muñh na dekhā jā.egā

    merī jaañ maiñ kyā karūñgā kuchh batā

    jab tasavvur raat bhar taḌpā.egā

    kyuuñ na maiñ mushtāq nāseh rahūñ

    naam terā us ke lab par aa.egā

    dil ke hāthoñ ruuh agar ghabrā ga.ī

    kaun us vahshī ko phir bahalā.egā

    kho ga.e haiñ donoñ jānib ke sire

    kaun dil gutthiyāñ suljhā.egā

    maiñ kahāñ vaa.iz kahāñ tauba karo

    jo na samjhā ḳhud vo kyā samjhā.egā

    thak ke āḳhir baiTh jā.egā ġhubār

    kārvāñ muñh dekh kar rah jā.egā

    dil ke hāthoñ se jo ghabrāoge 'shād'

    kaun is vahshī ko phir samjhā.egā

    kam na samjho shauq ko ai 'shād' tum

    ik na ik baḌh ke ye aafat lā.egā

    hai ḳhizāñ gul-gasht ko jaao na 'shād'

    girya-e-shabnam na dekhā jā.egā

    kuchh na kahnā 'shād' se hāl-e-ḳhizāñ

    is ḳhabar ko sunte mar jā.egā

    teri zulfen ghair agar suljhaega

    aankh walon se na dekha jaega

    sab tarah ki saKHtiyan sah jaega

    kyun dila tu bhi kabhi kaam aaega

    ek din aisa bhi naseh aaega

    gham ko main aur gham mujhe kha jaega

    ai falak aisa bhi ek din aaega

    jab kiye par apne tu pachhtaega

    wasl mein dhaDka hai nahaq hijr ka

    wo din aaenge tujhe samjhaega

    aa chuke ahbab uThane meri lash

    naz us ko dekhiye kab laega

    choT khae dil ka matam-dar hai

    mera nala bhi taDapta jaega

    chhoD de hum wahshiyon ko ai ghubar

    pichhe pichhe tu kahan tak aaega

    muntazir hai jaan-e-bar-lab-amada

    dekhiye kab phir ke qasid aaega

    hijr mein nale ghanimat jaan le

    phir to KHud ai zof tu pachhtaega

    nim-kushta hain to hain phir kya karen

    kuchh agar bolen to wo sharmaega

    josh-e-wahshat tujh pe sadqe apni jaan

    kaun talwe is tarah sahlaega

    aur bhi taDpa diya gham-KHwar ne

    KHud hai wahshi kya mujhe bahalaega

    rah-rau tujh sa kahan ai KHizr-e-shauq

    kaun teri KHak-e-pa ko paega

    bagh mein kya jaen aati hai KHizan

    gul ka utra munh na dekha jaega

    meri jaan main kya karunga kuchh bata

    jab tasawwur raat bhar taDpaega

    kyun na main mushtaq naseh ka rahun

    nam tera us ke lab par aaega

    dil ke hathon ruh agar ghabra gai

    kaun us wahshi ko phir bahalaega

    kho gae hain donon jaanib ke sire

    kaun dil ki gutthiyan suljhaega

    main kahan waiz kahan tauba karo

    jo na samjha KHud wo kya samjhaega

    thak ke aaKHir baiTh jaega ghubar

    karwan munh dekh kar rah jaega

    dil ke hathon se jo ghabraoge 'shad'

    kaun is wahshi ko phir samjhaega

    kam na samjho shauq ko ai 'shad' tum

    ek na ek baDh ke ye aafat laega

    hai KHizan gul-gasht ko jao na 'shad'

    girya-e-shabnam na dekha jaega

    kuchh na kahna 'shad' se haal-e-KHizan

    is KHabar ko sunte hi mar jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY