tewar hain kuchh ajib dil-e-be-qarar ke
tevar haiñ kuchh 'ajīb dil-e-be-qarār ke
maiñ kitnā mutma.in huuñ kisī ko pukār ke
ham aa rahe haiñ is liye zindāñ ke ās-pās
tā'zīm se khaḌe haiñ farishte bahār ke
kah do qafas kī samt na aa.e 'shamīm'-e-gul
maiñ ḳhuub jāntā huuñ irāde bahār ke
ārā.ish-e-jamāl ko uTThī hai jab nigāh
māyūs ho ga.ī hai kisī ko pukār ke
'shādāñ' sunā hai aaj vo guzreñge phir idhar
dekhūñgā hausle dil-e-dīvāna-vār ke
tewar hain kuchh 'ajib dil-e-be-qarar ke
main kitna mutmain hun kisi ko pukar ke
hum aa rahe hain is liye zindan ke aas-pas
ta'zim se khaDe hain farishte bahaar ke
kah do qafas ki samt na aae 'shamim'-e-gul
main KHub jaanta hun irade bahaar ke
aaraish-e-jamal ko uTThi hai jab nigah
mayus ho gai hai kisi ko pukar ke
'shadan' suna hai aaj wo guzrenge phir idhar
dekhunga hausle dil-e-diwana-war ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
