tez aandhi ne faqat ek saeban rahne diya

tez āñdhī ne faqat ik sā.ebāñ rahne diyā

ham zamīñ-zādoñ ke sar par āsmāñ rahne diyā

lafz vo barte ki saarī baat mub.ham ho ga.ī

ik parda thā ki haa.el darmiyāñ rahne diyā

aañkh bastī ne sabhī mausam musāfir kar diye

ek ashkoñ kī ravānī kā samāñ rahne diyā

ḳhuun kī surḳhī añdheroñ meñ ujālā ban ga.ī

ham ne har sūrat charāġhoñ ko javāñ rahne diyā

sad-kamāl-e-mehrbānī pāniyoñ ne is daf.a

kāġhzī kashtī ko lahroñ par ravāñ rahne diyā

laakh koshish par bhī ghar ko ghar na kar paa.e 'shafīq'

aur phir ham ne makāñ ko bas makāñ rahne diyā

tez aandhi ne faqat ek saeban rahne diya

hum zamin-zadon ke sar par aasman rahne diya

lafz wo barte ki sari baat mubham ho gai

ek parda tha ki hael darmiyan rahne diya

aankh basti ne sabhi mausam musafir kar diye

ek ashkon ki rawani ka saman rahne diya

KHun ki surKHi andheron mein ujala ban gai

hum ne har surat charaghon ko jawan rahne diya

sad-kamal-e-mehrbani paniyon ne is dafa

kaghzi kashti ko lahron par rawan rahne diya

lakh koshish par bhi ghar ko ghar na kar pae 'shafiq'

aur phir hum ne makan ko bas makan rahne diya