tez-rau pani ki tikhi dhaar par bahte hue
tez-rau paanī kī tīkhī dhaar par bahte hue
kaun jaane kab mileñ is baar ke bichhḌe hue
apne jismoñ ko bhī shāyad kho chukā hai aadmī
rāstoñ meñ phir rahe haiñ pairahan bikhre hue
ab ye aalam hai ki merī zindagī ke raat din
sub.h milte haiñ mujhe aḳhbār meñ lipTe hue
an-ginat chehroñ kā bahr-e-be-karāñ hai aur maiñ
muddateñ guzrīñ haiñ apne-āp ko dekhe hue
kin rutoñ kī aarzū shādāb rakhtī hai inheñ
ye ḳhizāñ kī shaam aur zaḳhmoñ ke ban mahke hue
kaaT meñ bijlī se tīkhī baal se bārīk-tar
zindagī guzrī hai is talvār par chalte hue
tez-rau pani ki tikhi dhaar par bahte hue
kaun jaane kab milen is bar ke bichhDe hue
apne jismon ko bhi shayad kho chuka hai aadmi
raston mein phir rahe hain pairahan bikhre hue
ab ye aalam hai ki meri zindagi ke raat din
subh milte hain mujhe aKHbar mein lipTe hue
an-ginat chehron ka bahr-e-be-karan hai aur main
muddaten guzrin hain apne-ap ko dekhe hue
kin ruton ki aarzu shadab rakhti hai inhen
ye KHizan ki sham aur zaKHmon ke ban mahke hue
kaT mein bijli se tikhi baal se barik-tar
zindagi guzri hai is talwar par chalte hue
Source:
sheerazah (Pg. 101)
- Author: makhmoor saeedi,Parem Gopal Mittal
-
- Edition: 1973
- Publisher: P -K Publication 3072 Partap stareet gola Market -Daryaganj delhi-6P -K Publication 3072 Partap stareet gola Market -Daryaganj delhi-6
- Year of Publication: 1973
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
