tha abas tark-e-talluq ka irada yun bhi

thā abas tark-e-ta.alluq kā irāda yuuñ bhī

ishq zinda nahīñ rahtā hai ziyāda yuuñ bhī

ik to in āñkhoñ meñ nashsha thā balā kā us par

ham ko marġhūb hai kaifiyyat-e-bāda yuuñ bhī

nāma-bar us se na ahvāl hamārā kahnā

vo tunuk-ḳhū hai bigaḌ jaa.e mabādā yuuñ bhī

so ga.e ham bhī ki be-kār thā rasta taknā

us ko aanā hī nahīñ thā shab-e-va.ada yuuñ bhī

kuchh to vo husn pashemāñ hai jafā par apnī

aur kuchh us ke liye dil thā kushāda yuuñ bhī

kuuch kar jaate haiñ ham kū-e-mohabbat se 'farāz'

in dinoñ chāk-e-garebāñ haiñ ziyāda yuuñ bhī

tha abas tark-e-talluq ka irada yun bhi

ishq zinda nahin rahta hai ziyaada yun bhi

ek to in aankhon mein nashsha tha bala ka us par

hum ko marghub hai kaifiyyat-e-baada yun bhi

nama-bar us se na ahwal hamara kahna

wo tunuk-KHu hai bigaD jae mabaada yun bhi

so gae hum bhi ki be-kar tha rasta takna

us ko aana hi nahin tha shab-e-wada yun bhi

kuchh to wo husn pasheman hai jafa par apni

aur kuchh us ke liye dil tha kushada yun bhi

kuch kar jate hain hum ku-e-mohabbat se 'faraaz'

in dinon chaak-e-gareban hain ziyaada yun bhi