tha intizar ki ab aaega nahin aaya

thā intizār ki ab aa.egā nahīñ aayā

kahīñ vo moḌ rah-e-'ishq kā nahīñ aayā

vo lamha haa.e hamāre qarīb aane kā

qarīb aa gayā thā kyā huā nahīñ aayā

jo haal thā mirā anjām jānte the sabhī

so rishte-dār koī duur kā nahīñ aayā

maiñ kār-e-'ishq meñ māhir thā jo ki thā mushkil

bhulānā kaam thā āsān sā nahīñ aayā

thī aur bhī ka.ī rāheñ jo mujh tak aatī thiiñ

vo aur raah pe chaltā rahā nahīñ aayā

na pūchh aañkh se kyoñ bah rahī hai ret mire

na pūchh dasht meñ maiñ aaj kā nahīñ aayā

tha intizar ki ab aaega nahin aaya

kahin wo moD rah-e-'ishq ka nahin aaya

wo lamha hae hamare qarib aane ka

qarib aa gaya tha kya hua nahin aaya

jo haal tha mera anjam jaante the sabhi

so rishte-dar koi dur ka nahin aaya

main kar-e-'ishq mein mahir tha jo ki tha mushkil

bhulana kaam tha aasan sa nahin aaya

thi aur bhi kai rahen jo mujh tak aati thin

wo aur rah pe chalta raha nahin aaya

na puchh aankh se kyon bah rahi hai ret mere

na puchh dasht mein main aaj ka nahin aaya