tha pas abhi kidhar gaya dil
thā paas abhī kidhar gayā dil
ye ḳhāna-ḳharāb ghar gayā dil
ḳhvār aisā huā butāñ ke pīchhe
nazroñ se mirī utar gayā dil
shabnam kī misāl rote rote
us baaġh se chashm-e-tar gayā dil
juuñ ḳhizr rahā hamesha tanhā
aise jiine se bhar gayā dil
kyā pūchhte ho ḳhabar tum us kī
yak umr huī ki mar gayā dil
marte marte bhī ye javāñ-marg
sūrāḳh jigar meñ kar gayā dil
thā dushman-e-jāñ baġhal meñ 'hātim'
jaane de balā se gar gayā dil
tha pas abhi kidhar gaya dil
ye KHana-KHarab ghar gaya dil
KHwar aisa hua butan ke pichhe
nazron se meri utar gaya dil
shabnam ki misal rote rote
us bagh se chashm-e-tar gaya dil
jun KHizr raha hamesha tanha
aise jine se bhar gaya dil
kya puchhte ho KHabar tum us ki
yak umr hui ki mar gaya dil
marte marte bhi ye jawan-marg
suraKH jigar mein kar gaya dil
tha dushman-e-jaan baghal mein 'hatim'
jaane de bala se gar gaya dil
Source:
Diwan Zadah (Pg. 210)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
