tha unki tarah main bhi aaghaz mein saudai

thā un kī tarah maiñ bhī āġhāz meñ saudā.ī

baḌhne do junūñ yārāñ aa jā.egī dānā.ī

phir dil kā taqāza hai us shoḳh se kuchh kahiye

phir koh-e-tamannā par ik barq sī lahrā.ī

ā.īn-e-zabāñ-bandī jis ahd meñ nāfiz ho

is ahd meñ ḳhāmoshī ho jaa.e hai goyā.ī

jab aag lagī ghar meñ thā kaun bujhāne ko

ab tak to milā ham ko har shaḳhs tamāshā.ī

hushyārī meñ ġhaflat sī ġhaflat meñ bhī hushyārī

hai tere qalandar meñ ik shān-e-shakebā.ī

ḳhāmosh khaḌā thā maiñ sab qatl ke darpai the

jab ġhaur se dekhā to un meñ thā mirā bhaa.ī

din-bhar to shikāre meñ ghūme haiñ janāb-e-shaiḳh

kahte haiñ dharā kyā hai har-samt ba-juz kaa.ī

tha un ki tarah main bhi aaghaz mein saudai

baDhne do junun yaran aa jaegi danai

phir dil ka taqaza hai us shoKH se kuchh kahiye

phir koh-e-tamanna par ek barq si lahrai

aain-e-zaban-bandi jis ahd mein nafiz ho

is ahd mein KHamoshi ho jae hai goyai

jab aag lagi ghar mein tha kaun bujhane ko

ab tak to mila hum ko har shaKHs tamashai

hushyari mein ghaflat si ghaflat mein bhi hushyari

hai tere qalandar mein ek shan-e-shakebai

KHamosh khaDa tha main sab qatl ke darpai the

jab ghaur se dekha to un mein tha mera bhai

din-bhar to shikare mein ghume hain janab-e-shaiKH

kahte hain dhara kya hai har-samt ba-juz kai