Thag raha attar ban kar kyon wo sare shahr ko

Thag rahā attār ban kar kyoñ vo saare shahr ko

naam de kar itr kā vo bechtā hai zahr ko

toḌ nāzuk phuul vo laatā hai har din baaġh se

phir masaltā hai unheñ vo sub.h shab dopahar ko

dekh kar ye sab na jaane so rahā hai kyoñ ḳhudā

zalzala le aa abhī yā rok to is qahr ko

likh raheñ haiñ ham sabhī ash.ār jo yuuñ baiTh kar

kyā kabhī ash.ār ye badleñge bhī is dahr ko

Thag raha attar ban kar kyon wo sare shahr ko

nam de kar itr ka wo bechta hai zahr ko

toD nazuk phul wo lata hai har din bagh se

phir masalta hai unhen wo subh shab dopahar ko

dekh kar ye sab na jaane so raha hai kyon KHuda

zalzala le aa abhi ya rok to is qahr ko

likh rahen hain hum sabhi ashaar jo yun baiTh kar

kya kabhi ashaar ye badlenge bhi is dahr ko